Терра блокчэйн сүлжээний үүсгэн байгуулагч Квон До Монтенегро улсын шүүхээс 4 сарын хорих ял сонсжээ. Шүүхээс түүнийг бичиг баримтыг хуурамчаар үйлдсэн хэрэгт буруутгасан байна.
Квон Догийн хувьд өнгөрөгч гуравдугаар сард Монтенегро улсын Подгорика нисэх буудлаас Дубай хот руу нисэх гэж байхдаа баривчлагдсан юм.
Үйл явдлын хүрээнд Квон Догийн үүсгэн байгуулсан Терраформ Лабс компанийн санхүүгийн ажилтан асан Хан Чан Жун ч түүнтэй адил хэргээр ижил ял сонсжээ.
Гэхдээ шүүхээс мэдэгдсэнээр залууст оноосон ялын хугацаанд тэдний цагдан хоригдсон хугацааг оруулан тооцно гэсэн юм. Улмаар тэд 2 сар хүрэхгүй хугацааг хорих ангид өнгөрүүлэх юм.
Эх сурвалж: BBC