Ням гарагт CNN сувгаас мэдээлснээр автомашинтай үйлчлүүлэх цэгүүд хот тосгонуудад асуудал үүсгэж байна гэжээ.

Тэдний мэдээлж байгаагаар, АНУ-д нийт 200,000 орчим автомашинтай үйлчлүүлэх цэг байдаг бөгөөд америкчууд жилд ойролцоогоор 6 тэрбум удаа автомашинтай үйлчлүүлэх цэгээс үйлчилгээ авдаг байна. Улмаар МакДоналдс гэх мэт түргэн хоолны томоохон сүлжээний борлуулалтын 70 болон түүнээс их хувийг автомашинтай үйлчлүүлэх цэгүүд бүрдүүлдэг гэсэн тооцоо ч гарчээ.

Тэгвэл хотын удирдлагууд хийгээд хот төлөвлөгчид, шүүмжлэгчдийн хэлж байгаагаар энэхүү үйлчилгээ нь зарим хотын өдөр тутмын амьдралд хэт сөргөөр нөлөөлж байна гэсэн юм. Тэдний үзсэнээр автомашинтай үйлчлүүлэх цэгүүд нь түгжрэлийн эх үүсвэр болохоос гадна иргэдийг явган алхахаас залхуурахад хүргэж, нийтийн тээврийн хэрэглээг бууруулан хөрш зэргэлдээх бизнесийн байгууллагуудаар зочлох үзэгдлийг эрс бууруулдаг гэнэ.

Тиймээс шүүмжлэгчдийн зүгээс компаниудад нэгэн уриалга гаргасан нь автомашинтай үйлчлүүлэх цэгүүдийг хөл хөдөлгөөн ихтэй хотын төвд бус харин автомашин төвтэй бүсэд байгуулахыг уриалжээ.

Эх сурвалж: CNN