Сагсан бөмбөгийн домог болсон Коби Брайнт амиа алдахад түүний Nike брэндтэй хамтарч байсан цуглуулгын пүүзнүүд зах зээлд өндөр эрэлттэй болсон билээ. Улмаар эрэлт нэмэгдэхийн хэрээр үнэ нь ч өссөн юм.
Тэгвэл пүрэв гарагт гадны хэвлэлүүдийн мэдээлж байгаагаар Nike компани талийгаач Коби Брайнттай хамтарсан цуглуулгаа ирэх наймдугаар сараас дахин худалдаанд гаргахаар төлөвлөж байна гэжээ. Цуглуулгаас олсон ашгийн тодорхой хувийг Nike компани гэрээний дагуу талийгаачийн эхнэр хүүхдүүдтэй хуваах юм.
Үйл явдлын хүрээнд Твиттер платформ дээрх @Mamba_Insider хаягаас мэдээлснээр Nike брэнд талийгаачийн төрсөн өдрөөс өмнө түүнтэй хамтарсан цуглуулгаа худалдаанд гаргахаар төлөвлөсөн гэнэ. Тодруулбал, Коби Брайнтын төрсөн өдөр наймдугаар сарын 24-д тохиох бол Nike брэнд тухайн өдрөөс өмнө цуглуулгаа худалдаанд гаргахаар төлөвлөж байгаа ажээ.
Эх сурвалж: Marca