Мягмар гарагт АНУ-ын Чикаго хотын дарга Брэндон Жонсоны албанаас өнгөрөгч зун зохион байгуулагдсан залуучуудын хөдөлмөр эрхлэлтийг дэмжих хөтөлбөрийн үр дүнг танилцуулжээ.
“One Summer Chicago” хөтөлбөрийн зорилго нь Чикаго хотод оршин суудаг 14-24 насны залуусыг хөдөлмөр эрхэлж, дадлага хийх боломжоор хангах юм. Улмаар өнгөрөгч зун тус хөтөлбөрт хамрагдсан залуус нийт 33.9 сая ам.долларын орлого олж, цагт нийт 2.43 сая ам.долларын хөлстэй ажилласныг хотын даргын албанаас бахдан нийтэлжээ.
Ноён Жонсоны албанаас мэдэгдэж байгаагаар өнгөрөгч зуны хугацаанд хөтөлбөрт нийт 24 мянган хүн оролцсон нь өнгөрөгч оны хөтөлбөртэй харьцуулахад даруй 4 мянгаар өссөн үзүүлэлт гэнэ. Тийнхүү залуучуудын орлогыг дундажлавал нэг хүн 1,412.5 ам.долларын цалинтай ажиллажээ.
Эх сурвалж: WGNTV