Кенийн засгийн газраас ойрын 10 жилд 15 тэрбум мод тарихаар зорьсноор тус улсын иргэд 100 сая мод тарих даалгавартай бүх нийтийн амралтын өдөртэй болжээ.
Шийдвэрийн хүрээнд Кенийн Хүрээлэн буй орчны сайд Сойпан Туяагийн хэлснээр, энэхүү амралтын өдөр нь Кени улсын иргэн нэг бүрийг энэхүү санаачилгад нэгдэх боломж олгоно гэсэн юм. Тэдний тооцсоноор иргэн нэг бүр дор хаяж 2 суулгац суулгахад тэд нийт 100 сая мод тарих гэнэ.
Тийнхүү засгийн газрын зүгээс нийтийн үржүүлгийн газруудад суулгац байршуулах бөгөөд төлөвлөгөө ёсоор тэд 150 сая орчим суулгац байршуулах юм. Улмаар иргэд дор хаяж 2 суулгац худалдан авч, өөрсдийн эзэмшлийн талбайд тарих ажээ. Харин үнэгүй суулгацыг тэд ой хамгаалах төвүүдэд байршуулах бөгөөд тэдгээр суулгацаас авсан нөхцөлд хүмүүс суулгацыг нийтийн талбайд тарих ёстой гэнэ.
Эх сурвалж: BBC