Мягмар гарагт Италийн Үндэсний Статистикийн газраас мэдээлснээр тус улсын ОХУ-аас импортлох бараа бүтээгдэхүүний хэмжээ аравдугаар сард өнгөрөгч оны мөн үетэй харьцуулахад даруй 85 хувиар буурчээ.

Тэдний мэдэгдсэнээр, “Өнгөрөгч онтой харьцуулахад манай улсын Европын Холбооноос гадуурх улс орнуудаас импортлох бараа бүтээгдэхүүний хэмжээ бүгд буурсан. Үүнээс хамгийн өндөр хувийн бууралттай гарсан үзүүлэлт нь ОХУ-аас импортлох бараа бүтээгдэхүүний хэмжээ юм. Тодруулбал, өнгөрөгч оны мөн үетэй харьцуулахад бид ОХУ-аас 85 хувиар бага бараа бүтээгдэхүүн импортолсон байна. ОХУ-ын дараагаар МЕРКОСУР буюу Өмнөдийн нийтлэг зах зээл болон Энэтхэг улсаас импортлох бараа бүтээгдэхүүн 30.7 хувийн бууралттай бичигдсэн” гэжээ.

Мэргэжилтнүүдийн тайлбарлаж байгаагаар Италийн ОХУ-аас импортлох бараа бүтээгдэхүүний хэмжээ ийн буурах болсонд эрчим хүчний худалдан авалтын хэмжээ үлэмж нөлөөлсөн гэсэн юм.

Эх сурвалж: ТАСС