АНУ-ын Конгрессын гишүүд болох Бүгд Найрамдах намын сенатуудын санаачилсан хил хамгааллын асуудал бусад гишүүдийн дэмжлэгийг аваагүйгээс үүдэн тэд Украин улсад үзүүлэх тусламжид хориг тавьжээ.
Ерөнхийлөгч Жо Байдены засгийн газрын хувьд Украин, Израиль улсуудад нийт 110 тэрбум ам.долларын тусламж үзүүлэх санал гаргаад байсан бөгөөд энэхүү төсвийн 61 тэрбум ам.долларыг Украин улсад, үлдсэн төсвийг Израиль улс хийгээд Газын зурваст олгохоор төлөвлөөд байсан юм. Улмаар Цагаан Ордноос анхааруулснаар тус улсын Украин улсад үзүүлсэн өмнөх тусламжууд ойрын хугацаанд дуусна гэж байсан билээ.
Гэвч Бүгд Найрамдах намаас Конгресст суудал авсан сенатууд Украинд тусламж үзүүлэх санааг дэмжиж буй ч дотоодын хилийн асуудлаа чухалчилсан байна.
Тийнхүү АНУ-ын ерөнхийлөгч Жо Байдены зүгээс Украин улсад үзүүлэх тусламжийг тасалдуулахгүйн тулд Бүгд Найрамдах намын сенатуудтай тохиролцоонд хүрэх хүсэлтэй байгаагаа уламжилжээ.
Эх сурвалж: BBC