Энэ долоо хоногийн сүүлээр удирдлагын хяналтаасаа гарсан хиймэл дагуул сансарт 30 орчим жилийг өнгөрүүлсний дараа эх дэлхий рүүгээ унах гэж байгаа ажээ. Эл мэдээлэл олныг түгшээх болсон гол шалтгаан нь одоогоор шинжээчид хиймэл дагуулын яг хаана унахыг хэлж чадахгүй байгаа юм.
Улмаар НАСА-ийн шинжээчдийн хэлж байгаагаар хиймэл дагуул нь хүний толгой дээр унах магадлал 2500:1 байгаа гэжээ.
Үйл явдлын хүрээнд Европын Сансрын Агентлагаас тайлбарласнаар, “Бидний зүгээс хиймэл дагуулын уналтыг хэдэн өдрийн дотор хэмээн тооцож чадах ч яг хэзээ, хаана унахыг шууд хэлчхэж чадахгүй. Хиймэл дагуул дэлхий рүү унах өдөр ойртох тусам бид хаана, хэзээ унахыг нь илүү баттай тооцоолж чадна. Гэхдээ хиймэл дагуулын хувьд дэлхий рүү унаж байх үед нь хуваагдал явагдах бөгөөд дийлэнх хэсэг нь шатаж үгүй болно. Ерөнхийдөө хиймэл дагуул дэлхий рүү унахтай холбоотой гарах эрсдэл маш бага байдаг” гэжээ.
Эх сурвалж: UNILAD