Япон улсад өнгөрөгч долоо хоногийн баасан гарагт Оскарын шагналт Oppenheimer уран сайхны кино нээлтээ хийжээ. Өнгөрөгч зун олон улсад нээлтээ хийсэн тус киноны хувьд японы кино театруудаар гарах эсэх нь тодорхойгүй байсан юм.
Учир нь найруулагч Кристофер Ноланы эл бүтээл нь физикч Ж.Роберт Оппенхаймерын түүхийг өгүүлдэг билээ. Тодруулбал, физикч Ж.Роберт Оппенхаймер нь Манхаттан төсөл дээр ажиллаж байсан нэгэн бөгөөд тус төслийн хүрээнд бүтээсэн цөмийн бөмбөгийг Японы Хирошима, Нагасаки хотуудыг бөмбөгдөхөд ашиглаж байсан юм.
Нийт 200,000 гаруй хүний аминд хүрсэн тус бөмбөгдөлт Япон улсын түүхэнд томоохон хар толбыг үлдээж байсан тул эл киног кино театруудаар гаргах болсонтой холбогдуулан киноны эхэнд анхааруулга бүхий зурвасыг оруулж өгчээ.
Эх сурвалж: NY post