Саяхан WalletHub гэх газраас боловсруулсан судалгаагаар АНУ дахь 4 хүн тутмын гурав нь тус улсад өргөнөөр дэлгэрсэн цайны мөнгө өгөх соёл хэрээс хэтэрсэн гэж бодож байгааг тогтоожээ.

АНУ-ын хүрээнд аливаа үйлчилгээний байгууллагаар үйлчлүүлэх тохиолдолд тус газрын ажилтанд өөрийн тооцооны тодорхой хувийг цайны мөнгө болгон өгөх нь нийтлэг үзэгдэл болсон бөгөөд энэ нь даамжирсаар цайны мөнгө өгөөгүй тохиолдолд заргалдах хүртэл нөхцөл байдал ч үүсэх нь олонтаа болсон билээ.

Эл соёлыг үйлчилгээний байгууллагын ажилтнуудын өмгөөлдгөөр тэдний ажлын хөлсний дийлэнх хувь татварт очдог тул тэд цайны мөнгөөр л амьжиргаагаа залгуулдаг гэдэг юм. Гэсэн хэдий ч соёл түгэн дэлгэрч, өргөнөөр тархахын хэрээр үйлчилгээний байгууллагууд автоматаар үйлчилгээний хөлс гэж татдаг болсон. Тэгвэл судалгаанд оролцогсдын 78 хувь эл үйлдлийг буруушааж явдгаа илэрхийлсэн байна. Мөн тэдний тэн хагасын хэлснээр тэд өөрсдийн хүслээр бус нийгмийн дарамт шахалтын дүнд өөрсдийн санхүүг үл харгалзан цайны мөнгө үлдээдэг гэжээ.

Түүнчлэн өөр нэг судалгаагаар судалгаанд хамрагдагсдын 68 хувь хэт олон төрлийн үйлчилгээний байгууллага цайны мөнгө асууж байна гэсэн бол судалгаанд хамрагдагсдын 48 хувь цайны мөнгө өгөх үү гэх асуултаас залхаж байгаа гэсэн байна.

Тийнхүү судалгааны хүрээнд мэргэжилтнүүдийн зөвлөснөөр бизнесийн байгууллагууд цалин хөлсний хэмжээгээ нэмэгдүүлэх хэрэгтэй бөгөөд ингэснээр цайны мөнгө ахиу авах тусам илүү орлоготой ажиллана гэсэн ойлголтыг ажилтнуудын сэтгэхүйгээс халж, улмаар үйлчлүүлэгчдэд цайны мөнгө өгөх дарамт үүсэхгүй гэжээ.

Эх сурвалж: USA Today