Пүрэв гарагт Meta компанийн гүйцэтгэх захирал Марк Закербергийн зүгээс тэд өөрсдийн аппликейшнуудаар дамжуулан хиймэл оюун ухаан бүхий шинэ Meta AI туслахаа хэрэглээнд нэвтрүүлж байгаагаа зарлажээ.
Хиймэл оюун ухаан бүхий шинэ туслахыг хэрэглэгчид WhatsApp, Instagram, Facebook, Messenger зэрэг аппликейшнаар дамжуулан үнэ төлбөргүй хэрэглэж болох бөгөөд тус туслах нь асуултад хариулж, анимейшн бүтээж, зураг ч зохиох юм.
Марк Закербергийн танилцуулснаар тэд хиймэл оюун ухаан бүхий шинэ туслахаа Meta Llama 3 гэх хэл дээр хөгжүүлсэн гэжээ.
Улмаар тэдний гаргаж буй шинэ туслах нь хиймэл оюун ухааны зах зээлд OpenAI компанийн ChatGPT болон Google компанийн Gemini туслахуудтай өрсөлдөх юм. Гэсэн хэдий ч ноён Закербергийн мэдэгдсэнээр тэд туслахаа бүтээхдээ Google болон Microsoft компанитай хамтарсан тул тэдий туслах нь өдгөө хэрэглээнд нэвтрээд буй хамгийн ухаалаг хиймэл оюун ухаан бүхий туслах болж чадсан гэжээ.
Тийнхүү түүний мэдэгдлийн дараагаар пүрэв гарагт олон улсын зах зээлд Meta компанийн нэгж хувьцааны үнэлгээ 1 хувийн өсөлттэй хаасан байна.
Үйл явдлын хүрээнд хэрэглэгчид meta.ai холбоост хандаж, математикийн бодлого бодуулах болон албан шуудан бичүүлэх зэрэгт эл туслахыг ашиглах боломжтой болжээ.
Эх сурвалж: CNBC