Их Британий судлаачдын хийсэн судалгаагаар, нойрны дутагдалд хэт орсон үедээ ажиллах нь согтуугаар ажлаа хийхтэй яг адилхан бөгөөд 3 ажилчны нэг нь ажилдаа “согтуу” ирдэг гэжээ.


Мөн олон улсын эрүүл мэндийн мэргэжилтнүүдийн хийсэн судалгаагаар, сайн унтаж чадалгүй ажилдаа ирсэн ажилтан, согтууруулах ундаа их их хэрэглэсэн хүнтэй ижил үйлдэл хийдэг, европт өдөр бүр 100 сая хүн ажилдаа “согтуу” явдаг.


39,000 ажилтны дунд явуулсан өөр нэг судалгаагаар, ажлын 5 өдөр 9-18 цагийн хооронд ажилдаг ажилчид, цагийн болон ээлжийн ажилтай хүмүүсээс илүү сайн унтаж амардаг нь тогтоогджээ. Ажлын өдрүүдэд эмэгтэйчүүдийн 35%, эрчүүдийн 31% сайн унтаж амарч чаддаггүй гэнэ. Тэгэхээр эмэгтэйчүүд эрчүүдээс арай олон удаа “согтуу” ажилдаа очдог аж.



Эдгээр судалгаа ядарсан үедээ ажлаа хийх нь олон сөрөг нөлөөтэйг харуулж байна. Тиймээс бид өөрсдийн ажил, амралтаа зохицуулж сурах нь чухал юм.