Бид цалингаасаа эрүүл мэндийн даатгалын шимтгэл төлдөг. Тэгвэл жилд нэг удаагийн ерөнхий шинжилгээ оношлогоонд хамрагдах боломжтой байдаг бөгөөд хуульд заасан тэдгээр боломжоо ашиглаж чадаагүй иргэдэд төрөөс урамшууллын эрүүл мэндийн эрхийг олгодог байна. Энэ сараас эхлэн сүүлийн гурван жил тасралтгүй шимтгэл төлсөн иргэдэд 80 мянган төгрөгийн оношлогооны урамшууллыг олгоод байгаа юм. Энэ талаар бид Нийгмийн даатгалын ерөнхий газрын Эрүүл мэндийн даатгалын газрын дэд дарга Х.Өлзийтогтохтой ярилцлаа.