Пүрэв гарагт Уолл Стрит Журнал сониноос мэдээлснээр Форд Мотор компани АНУ дахь ажилчдынхаа хүрээнд дахин орон тооны цомхотгол хийхээр бэлтгэж байна гэжээ.
Форд Мотор компанийн хувьд өнгөрөгч оны наймдугаар сард Хойд Америк, Энэтхэг дэх үндсэн болон гэрээт ажилтнуудаасаа 3,000 хүнийг орон тооны цомхотголд оруулна хэмээн мэдэгдэж байсан юм. Мэдэгдлийн хүрээнд тэд наймдугаар сарын сүүлээр ажиллах хүчээ 3,000 ажилтнаар цомхотгосон билээ.
Тэгвэл пүрэв гарагт Уолл Стрит Журнал сониноос мэдээлснээс үзвэл дараагийн төлөвлөгөөт орон тооны цомхотгол компанийн АНУ-ын Детройт дахь хий, цахилгаан хөдөлгүүрт автомашин үйлдвэрлэл, программ хангамжийн хэлтсийн ажилтнуудыг хамарна гэсэн байна. Гэвч одоогоор тус компани нийт хэчнээн ажилтнаа орон тооны цомхотголд оруулах нь тодорхойгүй байгаа ажээ.
Эх сурвалж: The Reuters