Өнгөрөгч сард SHRM хүний нөөцийн менежментийн нийгэмлэгээс мэдээлснээр хүний нөөцийн мэргэжилтнүүдийн гуравны хоёрт ажлаас халшрах шинж илрэх болжээ.

Indeed хүний нөөцийн веб хуудаснаас хийсэн судалгаагаар сүүлийн үед хүний нөөцийн мэргэжилтнүүдийн 63 хувь нь хүний нөөцөөс бусад салбарт ажил горилох болсон байна.

Мэргэжилтний хэлснээр үүний шалтгаан нь хүмүүс илүү найдвартай, илүү тогтвортой, эдийн засгийн хувьд илүү боломжтой, илүү утга учиртай, ур чадвар, хүч чадал, хүсэл тэмүүлэлтэй нь илүү уялдах, илүү өргөн боломжийг бүрдүүлж өгөх, илүү уян хатан нөхцөлтэй ажлыг хайж буйн шинж гэсэн юм. Улмаар хүний нөөцийн мэргэжилтнүүд юуны учир олноор ажлаас халширч байгааг тодруулбал, цар тахал дууссанаас хойш тэдэнд ирэх стресс үлэмж хэмжээгээр нэмэгдсэнтэй холбоотой гэжээ. Мөн түүнчлэн хүний нөөцийн мэргэжилтнүүд хэт их ажиллаж байгаа ч дутуу үнэлүүлж, дутуу талархаж хүртэж цаашлаад туйлдаж буй гэсэн байна.

Тийнхүү хүний нөөцийн мэргэжилтнүүд өөрсдийн ажлаас халшрах болсноор тэдний орон тоог удирдлагын туслахаар эсхүл үйлчилгээ, борлуулалтын салбарт ажиллаж байсан хүмүүс сонирхох болсон гэнэ.

Эх сурвалж: SHRM