Монгол бүсгүйчүүд Лондоны хөрөнгийн биржийн өнөөдрийн нээлтийг цанг цохиж нээснийг Европ дахь монгол эмэгтэйчүүдийн холбооноос мэдээллээ. Тэдний уламжилснаар “Монголын бизнес эрхлэгч эмэгтэйчүүд-2012” уулзалт Лондонд өнөөдөр, маргааш болж буй. Уулзалтад Их Британид болон Европт бизнес эрхэлж буй тэргүүлэх эмэгтэйчүүд оролцож байна. Уулзалтын үеэр олон сургалт семинар зохион байгуулах аж. Ийнхүү Монголын бүсгүйчүүд дэлхийд нэр хүндтэй Лондоны биржийн цанг цохиж, түүхэнд анх удаа олон улсын биржийг нээлээ.