ОХУ-д ажиллагаанд дайчлагдсан Балба улсын 6 цэрэг амиа алдсан тухай мэдээ гарсан даруй Балба улс ОХУ-аас өөрийн улсынх нь иргэншилтэй хүмүүсийг ажиллагаанд дайчлахгүй байж, тус улсад алба хааж буй иргэдийг нь яаралтай буцаахыг хүсжээ.
Гүрха гэгддэг Балбын цэргүүдийн хувьд эр зориг хийгээд байлдааны ур чадвараараа олон улсад нэр хүндтэй. Гүрха цэргүүд нь 1947 онд Энэтхэг улс тусгаар тогтнолоо тунхагласны дараагаар гурван улсын гэрээгээр Британи болон Энэтхэгийн армид зүтгэж байсан юм.
Гэвч Балба улсын хувьд ОХУ-тай энэ төрлийн гэрээ үгүй ч тэд тийнхүү Балбын цэргүүдийг ажиллагаанд дайчилжээ. Улмаар тэдний 6 цэрэг ажиллагаанд амиа алдсаныг дуулсан даруй Балба улсын засгийн газар ОХУ-аас цэргүүдийн цогцсыг нэн даруй эргүүлэн өгөх, цэргүүдийн ар гэрийнхэнд нөхөн төлбөр өгөхийг хүссэн байна.
Эх сурвалж: The Reuters