Шинэ он гэдэг кино болон телевизийн шоуны хорхойтнуудын хувьд шинэ кино, шоу, шинэ адал явдлыг дагуулдаг. Тэгвэл бид танд энэ удаагийн нийтлэлээрээ 2024 онд Netflix сувгаас үзэгчдийн хүртээл болгох онцлох 9 кино, телевизийн шоуг танилцуулъя.
Good Grief
Гай гарз хийгээд нөхөрлөлд зориулсан хайрын захиа хэмээгдээд буй Good Grief кино нь энэ оны нэгдүгээр сарын 5-ы өдрөөс Netflix сувгийн үзэгчдийн хүртээл болно.
Lift
Инээдмийн киноны од Кэвин Хартын тоглосон шинэ кино болох Lift нь энэ сарын 12-ы өдрөөс үзэгчдийн хүртээл болох юм.
The Kitchen
Энэхүү шинжлэх ухааны уран зөгнөлт уран сайхны кинонд Английн үндэсний шигшээ баг болон Арсенал клубийн домог Иан Врайт тоглосон бөгөөд мөн л энэ сарын 12-ы өдрөөс үзэгчдийн хүртээл болох ажээ.
Griselda
Инээдмийн цуврал Modern Family киноны од София Вергара хар тамхины наймаачны дүрийг бүтээсэн тус киног энэ сарын 25-ы өдрөөс хүлээн авч үзээрэй.
Avatar: The Last Airbender
Анимэ сонирхогчдын хүрээнд ихээхэн хүлээлт үүсгээд буй кино бол яалт ч үгүй Avatar: The Last Airbender. Уг анимэ бүтээлийн бүрэн хэмжээний кино болсон хувилбарыг та ирэх сарын 22-оос хүлээн авч үзэх боломжтой.
Bridgerton - Гуравдугаар бүлэг
Үзэгчдийг байлдан дагуулсан Bridgerton цувралын гуравдугаар бүлэг энэ онд хоёр хэсэг болон үзэгчдийн хүртээл болох болсныг кино албанаас өнгөрөгч сард мэдэгдсэн. Тэгвэл төлөвлөгөөний хүрээнд цувралын гуравдугаар бүлгийн нэгдүгээр хэсэг тавдугаар сарын 16-ы өдрөөс цагцагдах бол хоёрдугаар хэсэг нь зургаадугаар сарын 13-аас үзэгчдийн хүртээл болох ажээ.
The Gentleman
2020 онд үзэгчдийн хүртээл болсон The Gentleman уран сайхны киноны цуврал хувилбар энэ онд олон нийтэд цацагдах нь ээ.
A Family Affair
Жүжигчин Зак Эфрон, Николь Кидмэн нарын хамтран тоглосон шинэ инээдмийн киноны үзэгчдийн хүртээл болох тов хараахан зарлагдаагүй байна.
Эх сурвалж: UNILAD