Дэлхийн алдартай одод хоорондоо болзож, үерхэх бүрд тэднийг дэмждэг хүмүүс хос хоёрын амьдралыг сонирхох нь бишгүй.
Тэгвэл саяхнаас олон нийтийн хүрээнд шуугиан дэгдээж, Америкийн Үндэсний хөлбөмбөгийн спортыг дэлхий даяар сурталчилж, дэлхийн агаарын бохирдолд их хэмжээний хувь нэмэр оруулах болсон нэгэн хос бол дуучин Тэйлор Свифт, америк хөлбөмбөгийн тамирчин Трэвис Келси юм.
Тэгвэл ойрын үед хэвлэлийнхний мэдээлэх болсноор тэрбумтан хатагтай Свифтийн муурын нийт хөрөнгө үнэн хэрэгтээ түүний найз залуугийн нийт хөрөнгөөс ч их гэнэ шүү.
Тодруулбал, AllAboutCats.com гэх хаяг саяхан “Туйлын чинээлэг тэжээвэр амьтад”-ын жагсаалтыг гаргасан бөгөөд эл жагсаалтын гуравдугаарт Тэйлор Свифтийн тэжээвэр муур Оливиа Бенсон бичигдсэн байна. Эл жагсаалтыг боловсруулахад тэд хэд хэдэн хүчин зүйлийг авч үзсэн ба хамгийн их нөлөө бүхий хүчин зүйл нь тухайн тэжээвэр амьтан Инстаграм платформоор дамжуулан хэчнээн төгрөг олох чадвартай вэ гэдэг байжээ. Улмаар мэргэжилтнүүдийн тогтоосноор Оливиа Бенсонийн нийт хөрөнгийн хэмжээ 97 сая ам.доллар хүрч байсан байна. Энэ нь түүний эзэн Тэйлор Свифтийн шинэхэн амраг Трэвис Келсигийн нийт хөрөнгийг(40 сая ам.доллар) даруй хоёр нугалсан үзүүлэлт ажээ.
Эх сурвалж: UNILAD