Өнгөрөгч зуныг бүхэлд нь байлдан дагуулсан Барби уран сайхны киноны гол дүр, амьдрал дээрх барби болсон жүжигчин Марго Робби кино урлагаас түр завсарлаж байгаагаа зарлажээ.

Энэ оны нэгдүгээр сарын 10-ы өдрийн байдлаар л гэхэд нийт 1.45 тэрбум ам.долларын ашиг олсон Барби киноны гол дүр Марго Роббигийн хувьд энэ талаар саяхан нэгэн хэвлэлд өгсөн ярилцлагадаа өгүүлсэн байна. Түүний тайлбарласнаар, “Миний бодлоор одоо хүн бүр л намайг харахаас залхсан байх. Тиймээс би хэсэг хугацаанд дэлгэцээс холдсон дээр.

Үнэндээ, хэрэв би одоо нэг их удаагүй байхад дахиад нэг кинонд тогловол үзэгчид бүгд л “Дахиад л тэр үү? Бид бүтэн зуныг түүний бүтээсэн дүрээр амьсгалж өнгөрүүлсэн байхад, дахиад л гараад ирэх юм. Бид залхаж байна” гэж хүлээж авах байх.

Би хувьдаа дараа нь ямар кинонд тоглохоо шийдээгүй байгаа. Гэхдээ миний зүгээс энэ завсарлагыг тийм урт үргэлжлэхгүй байгаасай гэж хүсэж байна” гэжээ.

Эх сурвалж: UNILAD