Хүнсний бүтээгдэхүүн болон олон улсын түүхий эдийн үнийн өсөлтөөс шалтгаалж Японы хэрэглээний үнийн индекс сүүлийн 41 жилд байгаагүй их хэмжээгээр өссөн байна.
Орон нутгийн хэвлэлд мэдээлснээр, Японы Дотоод хэрэг, харилцаа холбооны яам өнгөрсөн оны хэрэглээний үнийн индекс өмнөх оныхоос 3.1 хувиар өссөн болохыг онцолжээ.
Энэ нь газрын тосны хоёр дахь хямралын улмаас хэрэглээний үнэ 3.1 хувиар өсөж байсан 1982 оноос хойших хамгийн том өсөлт хэмээн Kyodo News агентлаг мэдээлэв.
Нэмж дурдахад, энэ нь Японы төв банкны инфляцын зорилтот түвшин болох 2 хувиас хамаагүй давсан үзүүлэлт юм.
Kyodo News агентлаг “Өнгөрсөн онд шинэхэн хүнсний бүтээгдэхүүнээс бусад хүнсний бүлгийн үнэ өмнөх оныхоос 8.2 хувиар өссөн нь 1975 оноос хойш буюу сүүлийн 48 жилийн хугацаан дахь хамгийн өндөр өсөлтийг үзүүлсэн явдал” гэж мэдээлээд, хүнсний бүтээгдэхүүн үйлдвэрлэгчид бараа материал болон тээврийн зардлын өсөлтийг бараа бүтээгдэхүүнийхээ өртөгт шингээснээр ийнхүү үнэ өсөхөд хүрсэн гэв.
Эх сурвалж: MBC