Мягмар гарагт Alaska Airlines авиакомпанийн гүйцэтгэх захирал Бен Миникуччигийн хэлснээр тэд Боинг 737 Макс 9 загварын нэлээдгүй хэдэн агаарын хөлгөөс сул бэхэлгээтэй эрэг олсон гэжээ. Энэ талаар тэр NBC сувгийн оройн мэдээний хөтөлбөрт зочноор оролцохдоо өгүүлсэн байна.
Гүйцэтгэх захирлын мэдээлснээр энэ сарын эхэнд тус авиакомпанийн хөлөглөж байсан Боинг 737 Макс 9 агаарын хөлгийн хаалга нислэгийн үеэр салснаас үүдэн тэд худалдан авсан 737 Макс 9 хөлгүүдээ Холбооны Нисэхийн Удирдлагын газартай хамтран шалгаж байгаа юм.
Тийнхүү үйл явдлын хүрээнд ноён Миникуччигийн хэлснээр, “Би үнэхээр бухимдаж, урам хугарч байна. Миний уур хүрч байна. Энэ бүхэн Alaska Airlines авиакомпанид, манай үйлчлүүлэгчдэд, манай ажилтнуудад тохиосон.
Боинг компани үүнээс илүү сайн ажиллаж чадах газар. Болсон хэрэг явдал 1282 тоот нислэгт хэзээ ч тохиох учиргүй байсан” гэжээ.
Эх сурвалж: CNN