Барби киногоороо Академийн шагнал гардуулах ёслолын “Шилдэг эрэгтэй туслах дүр”-ийн төрөлд нэр дэвшсэн жүжигчин Райан Гослинг кинонд хамтран тоглосон, гол дүрийн жүжигчин Марго Робби, киноны найруулагч Грета Гервиг нарыг “Шилдэг эмэгтэй гол дүр”, “Шилдэг найруулагч” төрөлд тус тус нэр дэвшээгүй явдалд сэтгэл дундуур байгаагаа илэрхийлжээ.
Өнгөрөгч зуныг байлдан дагуулагч Барби киноны хувьд Академийн шагнал гардуулах ёслолын хүрээнд нийт 8 төрөлд өрсөлдөхөөр нэр дэвшсэн юм. Гэвч энэ нь жүжигчин эрд хангалтгүй байгаа бололтой.
Түүний хэлснээр, “Миний хувьд олон сайхан кино нээлтээ хийсэн 2023 оны хүрээнд гайхалтай уран бүтээлчдийн хамт Академийн шагнал гардуулах ёслолын хэд хэдэн төрөлд нэр дэвшсэндээ туйлын баяртай байна. Энэ үнэхээр нэр хүндийн хэрэг байлаа. Би хувьдаа ингээд яриад сууж байна гэж хэзээ ч бодсонгүй. Гэхдээ би Кен гэхдээ ердийн нэг хуванцар хүүхэлдэйн дүрийг амилуулснаараа бахархаж, үүнийг ихээхэн нэр хүндийн хэрэг гэж харж байна.
Гэхдээ Барби үгүй бол Кен үгүй шүү дээ. Харин Марго Робби, Грета Гервиг нар байгаагүй бол Барби кино гарахгүй байлаа. Тэд бол энэ л дэлхий дахины талархлыг хүлээсэн, түүх бүтээсэн киног амилуулсан хүмүүс. Тэдний авьяас билэг, эр зориг, суут ухааныг үнэлэхгүйгээр кинонд тоглосон хэн бүхний чадварыг үнэлнэ гэдэг бол боломжгүй зүйл.
Миний хувьд тэд өөрсдийн нэр дэвших ёстой байсан төрөлд өрсөлдөж чадаагүй явдал нь сэтгэл гонсойлгож байна гэж хэлэхэд ч багадна” гэжээ.
Эх сурвалж: UNILAD