Монголын иргэн бүрд ажлын байр уриатай Zangia.mn хөдөлмөрийн зах зээлийг төгөлдөржүүлэх, байгууллагуудын хүний нөөцийн бүрдүүлэлтэд чиглүүлэг болохын зэрэгцээ хувь хүний хөгжлийг дэмжих, олон нийтийн боловсролд хөрөнгө оруулахад чиглэсэн томоохон төсөл хөтөлбөрүүдийг хэрэгжүүлэн ажиллаж байна. Энэ хүрээнд уламжлал болгон зохион байгуулдаг “HR Event” амжилттай зохион байгуулагдаж өнгөрлөө.

Арга хэмжээг нээж Zangia.mn-ийн Үүсгэн байгуулагч, Доктор Б.Түвшинтулга шинээр хэрэгжүүлж буй төслүүд болох Zangia Training, Zangia Test, ERP, Хөдөлмөрийн зах зээлийн тойм болон оюутан залуусын хөдөлмөр эрхлэлтийг дэмжих аяны тухай мэдээлэл хүргэсэн юм.

2024 оны хоёр дах удаагийн HR Event & Networking арга хэмжээнд Зочин илтгэгчээр АФА Академийн үүсгэн байгуулагч, Амьдралын дасгалжуулагч, Мотиватор Ш.Амартүвшин хүрэлцэн ирж "Change or Die" сэдвээр сонирхолтой илтгэл тавилаа. Илтгэлээр хурдацтай өөрчлөгдөж буй ертөнцөд хувь хүн, байгууллага, тэр ч байтугай амьд төрөл зүйл ч бай өөрчлөлтөд дасан зохицож, өөрчлөлтийг хүлээн зөвшөөрөхөд бэлэн байх ёстой, эс тэгвээс хуучирч, мөхөх эрсдэлтэй тухай ярив.

Энэ удаагийн арга хэмжээний хамтран зохион байгуулагчаар Мандал Ассет Менежмент болон Tapatrip оролцсон бөгөөд Zangia.mn-ийн харилцагч байгууллагууд болох Сүү Хувьцаат Компани, Улаанбаатар гурил, Скай Инфра Групп, Монголын Алт Групп, Монкон Констракшн ХХК, Монос Улаанбаатар ХХК, Моннис Групп, Макс Групп, Жем Интернэшнл ХХК, Интермед зэрэг 350 гаруй байгууллагын Захирал, Хүний нөөцийн удирдах ажилтнууд оролцож санал бодлоо хуваалцан нэгэн үдшийг өнгөрүүллээ.

Арга хэмжээний зургуудаас: