Чикаго Их Сургуулиас хийсэн Нийгмийн Суурь Судалгааны үр дүнд аз жаргал бэлэглэгч 10 ажлыг доорх байдлаар жагсаан гаргажээ. 
- Санваартан, лам хуваргууд: Судалгаанд оролцсон ихэнх хүмүүс энэ ажлыг хамгийн нерви багатай ажил гэдэгт санал нэгдсэн байна.
- Гал сөнөөгч: Аюулт нөхцөл байдлаас хүний амийг аварч бусдад их тус хүргэдэг гэдэг утгаараа гал сөнөөгчдийн 80% нь өөрсдийн хийж буй ажилдаа сэтгэл хангалуун байдаг.
- Физик эмчилгээний эмч: Эрүүл мэнд гэгч эрхэм зүйлийг нэн тэргүүнд тавьж хүнийг эрүүл байлгахад хувь нэмрээ харамгүй оруулдаг энэхүү ажил аз жаргал бэлэглэгч 10 ажлын 3-рт бичигджээ.
- Зохиолч: Зохиолчдын хувьд бусад ажил мэргэжилтэй харьцуулахад үнэлэмж багатай ч өөрийн бодол санаагаа гадаад ертөнцөд дэлгэн тавьж бусадтай санал бодлоо хуваалцах боломжийг тэдэнд олгодогоороо онцлогтой.
- Тусгай боловсрол заагч багш: Хэдийгээр цалин, үнэлэмжийн хувьд бага ч Барууны орнуудад тусгай боловсролын багш нар ажилдаа тун сэтгэл хангалуун байдаг.
- Багш: Ихэнх багш нар боловсролын салбарт орж ирж буй санхүүжилт болон анги танхимын нөхцөл байдлыг үл харгалзан багшлах ажилдаа дуртай байдаг. Гэсэн хэдий ч багшийн ажлыг удаан хийх сонирхол хэн хүнд байдаггүй аж. Учир нь шинэ багш нарын 50% нь 5 жил хүрэхүү үгүй юу энэ ажлыг орхидог байна.
- Зураач: Бүх хүнд хүртээмжтэй, амьд бүтээл гаргаж ирэх нөр их ажлаасаа уран барималч, зураач нар таашаал авдаг.
- Сэтгэл зүйч: Бусдад тохиолдсон ямарваа нэгэн асуудлыг шийдэж чаддаг ч бай, үгүй ч бай сэтгэлзүйчид өөрт тулгарсан асуудлынхаа ард хялбархан гарчихдаг нь тэдний ажилдаа хайртай байх шалтгаан болдог.
- Санхүүгийн үйлчилгээ үзүүлдэг ажилтан: Санхүүгийн үйлчилгээг бусдад үзүүлдэг ажилтнуудын 65% нь өөрсдийн хийж буй ажилдаа сэтгэл хангалуун байдаг гэжээ. Учир нь тэд 7 хоногт 40 цагаар маш тохи тухьтай ажлын байранд ажилдаг бөгөөд жилд 90000 доллараас илүү цалин авдаг гэнэ.
- Хүнд машин механизмын инженер: Бульдозер, Ачигч, Ялгах машин, Өргөгч кран гэх мэт хүнд машин, механизмтай ажилдаг хүмүүс хийж буй ажлаа сонирхолтой байдаг хэмээн судалгаанд оролцжээ.
Зах зээлд маш эрэлттэй, үнэлэмж өндөртэй хэдий ч ад үзэгддэг 10 ажлыг танд танилцуулъя. Судалгааны үр дүнд шалтгааныг нь тогтоож үзэхэд доорх 10 ажлын үр дүн хүний нүдэнд бага харагддаг бөгөөд доорх чиглэлээр үйл ажиллагаа явуулдаг байгууллагууд хаашаа, юуны төлөө ажиллаад байгаагаа мэддэггүй учраас ажилчид нь ч мөн хийж буй ажлаасаа таашаал авах нь ховор гэнэ.
- Мэдээлэл, технологийн салбарын удирдах албан тушаалтан
- Борлуулалт маркетинг хариуцсан захирал
- Бүтээгдэхүүн, үйлчилгээний менежер
- Веб хөгжүүлэгч
- Техникийн мэргэжилтэн
- Цахилгааны техникч
- Хуульч
- Техникийн шинжээч
- СNC /Computer Numerical Control/ Машинист
- Маркетингийн менежер