Аж үйлдвэржилтийн эрин эхэлснээс хойш Европ тивийн агаарын температур дэлхийн дунджаас бараг хоёр дахин хурдтай дулаарч байгаа нь судалгаагаар тогтоогджээ.
Дэлхийн цаг уурын байгууллагаас 19-ний өдөр нийтэлсэн цаг уурын тайланд дурдсанаар, аж үйлдвэржилтийн эрин буюу 1800-аад оны дунд үеэс өнгөрсөн он хүртэл дэлхийн дундаж температур 1.2 градусаар нэмэгдсэн бол Европ тив мөн хугацаанд 2.3 градусаар нэмэгдсэн болохыг онцлов.
Уг тайланд “Европ тивд өнгөрсөн онд тохиосон хэт халалтын улмаас 16 мянга гаруй хүн нас барж, үер зэрэг байгалийн гамшигт үзэгдлийн уршгаар 2 тэрбум ам.долларын хохирол амссан. Харамсалтай нь үүнийг зөвхөн нэг удаа тохиогоод өнгөрсөн зүйл хэмээн тоомжиргүй өнгөрүүлж болохгүй юм” хэмээн дурджээ.
Үүний улмаас хур тунадасны хэмжээ буурах, далайн гадаргын температур нэмэгдэх зэрэг экосистемд сөргөөр нөлөөлөх хэд хэдэн хүчин зүйл ажиглагдаж байгаа ч Европ сэргээгдэх эрчим хүчний хэрэглээг өргөжүүлж байгаа нь эерэг өөрчлөлт гэж тайланд цохон тэмдэглэсэн байна.
Эх сурвалж: MBC