Лхагва гарагт Норвегийн ерөнхий сайд Йонас Гар Сторын мэдэгдсэнээр тус улс Финляндын жишгийг даган ОХУ-тай хиллэгдэг шалган нэвтрүүлэх боомтуудаа хааж магадгүй байна гэжээ.

Түүний хэлснээр, “Хэрэв шаардлагатай бол бид хилийн боомтуудыг хаана. Бидний зүгээс Финлянд болон Эстони улс дахь нөхцөл байдлыг нарийн ажиглаж байгаа” гэсэн юм.

Үүний шалтгаан нь ОХУ-тай хиллэдэг боомтуудаар дамжин гуравдагч орны дүрвэгчид орж ирэх үзэгдэл ихэссэнтэй холбоотой ажээ. Гэвч одоогоор Норвегийн ОХУ-тай хиллэдэг боомтуудаар нэвтрэх хүмүүсийн урсгал нэмэгдсэн тодорхой тоон мэдээлэл байхгүй байгаа юм.

Финляндын засгийн газрын хувьд өнгөрөгч лхагва гарагаас эхлэн ОХУ-тай хиллэдэг 3 хилийн боомтоо хаасан билээ.

Эх сурвалж: ТАСС