Мягмар гарагт Жапан Эйрлайнс авиакомпанийн агаарын хөлөг Японы эргийн хамгаалалтын агаарын хөлөгтэй мөргөлдсөний дараагаар Токиогийн Ханеда нисэх буудалд газардаж, мөргөлдөөний улмаас галд автжээ.
Агаарын хөлөг нийт 379 зорчигч тээвэрлэж явсан байна. Авиакомпанийн зүгээс мэдээлснээр тэд бүх зорчигчийг галд автсан агаарын хөлгөөс аюулгүй нүүлгэн шилжүүлж чаджээ.
NHK сувгаас дамжуулсан бичлэгээс үзвэл онгоц асфальтан замаар гулсан бууж байх үеэр аврах албаныхан галыг намжаах гэж оролдож байсан ч гал улам дүрэлзсэн байна.
Улмаар Японы эргийн хамгаалалтын албанаас тэдний аль нэг онгоц тус зорчигч тээврийн агаарын хөлөгтэй үнэхээр мөргөлдсөн эсэхийг шалгаж байгаа гэдгээ мэдэгджээ.
Хэрэг явдлын дараагаар Ханеда нисэх буудлын хэвлэлийн төлөөлөгчийн мэдээлснээр тэд түр хугацаанд бүх зурвасаа хаасан гэжээ.
Эх сурвалж: The Reuters