ZANGIA.MN сайт нь Монголын ууган бөгөөд хамгийн баялаг сан хөмрөг бүхий түүх соёлын үл хөдлөх дурсгалт байгууламж болох Богд хааны ордон музейн сэргээн засварлалтад дэмжлэг үзүүллээ.

120 гаруй жилийн настай уг музейд 1962 оноос хойш сүүлийн 60 гаруй жилийн хугацаанд томоохон хэмжээний сэргээн засварлалт хийгдэж байгаагүй юм. Сэргээн засварлалтын ажил 60 гаруй хувийн гүйцэтгэлтэй үргэлжилж байгаа бөгөөд Зангиа Портал компани Монголын түүх соёл, өв уламжлалд тодорхой байр суурь эзэлдэг дурсгалуудаа тогтвортой хамгаалж, сэргээн засварлан хойч үедээ өвлүүлэн үлдээхэд хувь нэмрээ оруулах үүднээс таван сая төгрөгийн мөнгөн дэмжлэгийг үзүүллээ.

Хамгийн сүүлчийн Богд болох YIII Богдын өвлийн ордон болон сүм хийд буюу түүхийн дурсгалт энэхүү музей бол манай улсын түүх соёлын хосгүй үнэт цөөхөн дурсгалын нэг юм. Богд хааны ордон музейг хайрлан хамгаалах, үзэж танилцан, түүх соёлоо танин мэдэж, өвлүүлэн дээдлэхийг ZANGIA.MN сайт уриалж байна.

Хандивыг Богд Хааны музейн захирал Ц.Эрдэнэбаатарт хүлээлгэн өгч энэхүү чухал өв соёлоо хадгалан үлдээхэд чармайлт гаргаж байгаа хамт олонд талархсанаа илэрхийллээ.