Өдгөө 61 настай Уэйн Буржесс 24 жилийг торны цаана өнгөрүүлсний эцэст өнгөрөгч оны тавдугаар сард суллагдсан билээ. Түүний хувьд 1999 онд тухайн үед үерхэж байсан бүсгүйнхээ 16 сартай охиныг хөнөөсөн хэрэгт буруутгагдан бүх насаараа хоригдох ял сонсож байсан юм. Гэвч өнгөрөгч онд албаныхан түүний гэм буруугүйг тогтоосноор Уэйн 24 жилийн дараа жирийн ардын амьдралдаа эргэн иржээ.

Улмаар тэр саяхан Channel 5 гэх сувагт ярилцлага өгч, цаашид хэрхэн амьдрахаар төлөвлөж байгаа болоод суллагдсаны дараа ямар мэдрэмж төрсөн тухайгаа нээлттэй ярилцсан байна.

Түүний хэлснээр, “Намайг хориход шилжсэнээс хойш бүх зүйл өөрчлөгдсөн байсан. Хорихоос гараад ирэхэд би яг л энэ дэлхий дээрх шинээр мэндэлсэн хүүхэд шиг л байсан. Хийгээгүй хэргийнхээ төлөө ял эдэлсэн хүмүүсийн дийлэнх нь шүүхийн эсрэг дайсагнах байсан байх, гэхдээ би тэгэхгүй ээ. Энэ ердөө л миний туулах ёстой зүйл байсан.

Би энэ намраас их сургуульд суралцах гэж байгаа. Гэхдээ сургалтын төлбөрт бага зэргийн тусламж хэрэгтэй байгаа л даа. Би сүсэг бишрэлтэй хүн. Бурхны хэлснээр тэр намайг хийх гэснээ хий үлдсэнийг нь тэр өөрөө зохицуулна гэсэн” гэжээ. Тийнхүү үйл явдлын хүрээнд түүний гэр бүлийнхэн түүний сургалтын төлбөрт зориулан хандивын аян зохион байгуулж буй гэнэ.

Мөн Уэйнийн зүгээс түүнд хийгээгүй хэргийг нь үүрүүлсэн Теннесси мужийн шүүхээс нөхөн төлбөр нэхэмжилсэн бөгөөд хэвлэлийнхний мэдээлж байгаагаар тэр 1 сая хүртэлх ам.долларын нөхөн төлбөр авах боломжтой гэсэн юм.

Эх сурвалж: UNILAD