Өнгөрөгч аравдугаар сард дуучин Тэйлор Свифтийн “Eras Tour” аялан тоглолтын бүрэн хэмжээний кино бүхий бичлэг олон улсын кино театруудад нээлтээ хийсэн билээ. Улмаар кино театруудад нээлтээ хийхэд тоглолтын бичлэгийг 3 цаг 15 минутаас хураангуйлж, 2 цаг 45 минутад багтаагаад байсан юм.
Тэгвэл даваа гарагт дуучин Тэйлор Свифтийн өөрийн Инстаграм хуудаснаа мэдэгдсэнээр түүний шүтэн бишрэгчид уг киног стрийминг үйлчилгээгээр дамжуулан хүлээн авах боломжтой болно гэжээ. Улмаар тэр өөрийн төрсөн өдрөөр буюу арванхоёрдугаар сарын арвангуравны өдрөөс тус киног стрийминг талбарт нээх юм. Тийнхүү шүтэн бишрэгчид хайртай дуучныхаа тоглолтын бүтэн бичлэгийг гэртээ хүлээн авах боломжтой болох ажээ.
Мөн уг киноны кино театруудад цацагдсан хувилбараас ялгарах онцлог нь түүний “Wildest Dream”, “The Archer”, “Long Live” гэх дуунуудыг дуулж буй бүтэн бичлэг стрийминг хувилбарт багтсан байх гэнэ.
Эх сурвалж: CNN