Дэлхийн хамгийн чинээлэг эрхмүүдийн нэг Жефф Безос саяхан өөрийн сүйт бүсгүй Лаурен Санчезын хамтаар Vogue сэтгүүлд ярилцлага өгчээ. Улмаар ярилцлагад тэд өөрсдийн өдөр тутмын амьдралын талаар өгүүлсэн нь олны эгдүүцлийг төрүүлсэн байна.

Тодруулбал, хосууд өөрсдийн амьдралын хэв маягийг тодорхойлохдоо, “Бидний амьдрал ерөнхийдөө их энгийн. Өдөр тутмын амьдрал маань дийлэнхдээ л хүүхдүүд төвтэй байдаг.

Өглөө хэн түрүүлж сэрсэн нь босоод кофе чанана. Заримдаа Санчез өглөөний цайнд тортиллатай шарсан өндөг бэлтгэдэг. Харин зарим амралтын өдөр Безос чурро хийдэг” гэжээ.

Түүнчлэн хосууд тогтмол дасгал хийдэг бөгөөд орой 9:30 минутад орондоо ордог гэсэн юм.

Гэсэн ч тэдний эл ярилцлагыг хүлээн авсан олон нийтийн зүгээс ноён Безосын гэр бүлийг энгийн харагдах гэж хичээж байна хэмээн шүүмжилжээ.

Тэдний өгүүлснээр, “Америк үнэхээр гайхалтай юм. Цагтаа дэлхий дээрх хамгийн чинээлэг эрхмээр нэрлэгдэж явсан хүн хүртэл ажилтан ангийн хүн шиг жүжиглэх хэрэгтэйгээ мэдэрч байдаг” гэсэн байна.

Эх сурвалж: Fortune